歡迎光臨KEITHYIP♥MM♥LOVE♥STORY: 6月 2015

★狗狗好去處★

☆愉景灣Discovery Bay☆

首先近來努力地發掘

香港適合狗狗去的地方

因為要適合我們一家三口

其實可能十隻手指數得哂

點解因為小bi年紀太大

其實係街外半天時間對它黎說已經極限

加上還要盡量避免遇上其他狗狗

Oh My God 要比狗去但無狗出現

你話頭不頭痛

話說我們咁多年都沒有去過愉景灣

哩個咁環境優美寧靜的富裕島嶼

上網搜尋了狗隻可以去

還有一些特式的景點可以拍照

我們plan了今個星期天入去

因為今天有皓熱天氣警告

大部份人應該去了沙灘游水消暑

雖然愉景灣都有美麗的沙灘

但應該比較少人會入去咁遠游的

成個愉景灣就是地圖所見咁大啦

不過順帶一提我們選錯了季節入黎

個人意見如果不游水的話

秋冬會比較好一點

否則因為這裡沒有高樓大廈

真係會乾煎架

我們同小bi一齊

就只能選擇中環坐船這個方案

因為狗狗可以上渡輪

不可以上巴士

本身諗住call 85折的士

成朝都叫不到一架車

小bi已經曬到不耐煩了

結果還是選擇駕車

我們選了上環的林士街日泊車場

跟住沿著天橋路牌指示

再經過IFC商場穿出的天橋

先可以到達3號碼頭

狗狗坐船就不用付費

但需要向職員填寫一張表格

渡輪等候位置的地方

都顯示好多介紹愉景灣的資訊

例如回程如果有係指定14間

D'DECK餐廳消費120元可換領一張免費回程船飛

不過老實正常消費都一定過120元一位

狗狗雖然不用付費

但都有指定坐的位置

所以我們選擇了坐上層

小BI等坐船啦

不過好熱呀

風扇仔要長開比它吹

我們選擇了上層甲板位置

因為比較闊落

又不太影響人

正如我所暸

船上不太多乘客的

大約不用1小時我們就安全到達碼頭了

爸爸這個時候當然要做苦力

入到來已經中午時份了

當然要快點找食物醫肚

係來之前已經做了一些資料搜集

這裡的餐廳不是太多讓狗狗進入

露天餐廳都沒有很多能進入

地面餐廳唔算多

只有一間德國露天酒吧準狗狗進入

但食物不太合心意

唯有坐電梯上一層

有錢人地方果然不同

一層電梯都有空調架

Solera Spanish Cuisine Concepts

愉景灣D’Deck 1 樓101號舖

發現哩間露天座位有客人攜狗狗正在用餐
即是不用查問已經知道是狗可到的餐廳
立刻問職員拎份餐牌睇下合不合口味
看過餐牌後食物合心意
因為發現我喜歡的食物
還有係換渡輪飛的餐廳之一
當然選哩間啦
因為已經曬到就快中暑
碼頭行過黎沿途一直曬到尾
小BI係車車到都開始頂唔住了

咁露天的位置其實有好多張台
我們諗住選的無咁曬的地方啦
所以諗住行入去小小
入小小都完全沒有客人
因為有幾部風扇和有帳蓬嘛
點知職員發現我們繼續向前行立刻阻止說
有狗只能坐最前的這2張
一張已經坐了狗狗的那家人
另一張看圖片都望到曬到呀媽都唔認得
果然同搜尋資料一樣
這裡的住戶和餐廳對外來的遊客和狗狗
絕對不算好待遇的
甚至不太歡迎
好彩狗狗一家見我們無奈的唔知點好的時候
他們又其實已經用完餐
應該坐係到休息緊
好好人咁和我們說
我們走啦你們坐哩邊啦無咁曬呀
真的好感動因為老實另一張咁曬的情況下
我是寧願走都不食架啦
大佬今日34度up
我知狗狗坐露天姐
但原來都只能指定坐2張
仲要無帳蓬暴曬食飯
無樹嘛露天餐廳全露天咩
即是有第3位帶狗客人是否不用坐呢
所以職員態度一致感覺麻麻地
因為他們阻止的時候有黑面

好熱的關係
餐包已經沒有甚麼意慾開動呀
反而撕了小小包心比小BI隻試下
睇它的反應味道應該不錯
哈哈不過老公話哩的包感覺像現成的包
即是應該好像超市或麵包店一袋袋那些

快速地點了一杯Shirley Temple 補充水份
但哩間應該只加了好淡的紅石榴糖醬&梳打
因為平時飲開的應該會用姜味汽水或姜味梳打
但哩杯好像飲不到姜味
又或者有落不過好小所以飲唔出
加上cocktai其實又無話一定點溝的
人人手法不同
不過咁熱的天氣比杯冰水我都好爽架啦
咁哩杯因為都唔平
所以評分比60分啦

其實另一樣吸引我試的係
餐牌上景然有我勁喜歡的墨汁意粉
如果煮得好味我絕對不介意吃到烏嘴
這樣子才算原汁原味嘛
咁哩碟墨魚汁意大利粉
麵條煮到剛好半熟唔會過淋
看麵條顏色均勻表面光滑
就知有好香濃的墨汁包圍住
不過不太喜歡點解會辣辣地
如果唔吃得辣記住走辣
份量都是貴精不貴多
男人應該最多2大口ko
哩碟我會比85分^_^
因為只要食到墨汁的感覺差極有限
真正墨汁和平時
超市買到的是絕對不同味覺