歡迎光臨KEITHYIP♥MM♥LOVE♥STORY: 3月 2013

☆2013/03/12☆DAY 1☆

CX國泰航空CX566 香港-關西☆

The Travelers' Lounge環亞機場貴賓候機室☆

KANSAI THRU PASS☆

難波東橫inn☆關西空港☆

梅田☆松屋町☆心齋橋☆

道頓崛☆蟹道樂☆難波

♥2013/03/13☆DAY 2☆

KANSAI THRU PASS☆

難波東橫inn☆興福寺☆崗本和服體驗☆

清水寺☆地主神社☆花見小路☆

八坂神社☆道頓崛☆四天王☆難波

♥2013/03/14☆DAY 3☆

難波東橫inn☆JR東海道.山陽新幹線☆

NOZOMI314子彈火車☆東京☆新宿☆

新宿歌舞伎町東橫inn☆

小田急箱根高速巴士ODAKYU HAKONE HIGHWAY BUS☆GOTEMBA PREMIUM OUTLET 御殿場☆

2013/03/15☆DAY 4☆

東京☆新宿☆

CX國泰航空的來回機票
CX566 香港-關西
CX505 成田-香港

機票1開支:asia miles 亞洲萬里通+HK$888燃油附加費

機票2開支:HK$3500+HK$848燃油附加費

旅遊書開支:

正文社(東京)HK$108
正文社(京阪神)HK$105

2人酒店每晚開支:

大阪東橫innDAY1(3/12)JPY¥8480円(含稅)

大阪東橫innDAY2(3/13)JPY¥8480円(含稅)

新宿東橫innDAY3(3/14)JPY¥9280円(含稅)

新宿東橫innDAY4(3/15)JPY¥9280円(含稅)

新宿東橫innDAY5(3/16)JPY¥10280円(含稅)

新宿東橫innDAY6(3/17)JPY¥9280円(含稅)

合共6晚酒店共JPY¥55080円

即每人JPY¥27540円
小妹1人豪唱日元預算

JPY¥400,000円(HK$37208)+3張信用卡
分了4天上網對換
11/23 HK$9499.5
12/14 HK$9330
12/20 HK$9273
12/27 HK$9105.5

姨姨唱JPY¥350,000円加??信用卡
我們會否比人打劫架

好耐無去旅行
同老公講好數

放我一個人自已去日本
他幫我照顧仔仔7天
點解唔一齊去
追開續集都知我要照顧仔仔寧願唔去玩
所以唔多提啦唔係集集都說點解好悶姐
不過今次唔去唔得
因為之前儲落的飛行里數下年到期
大拿拿幾萬分要簽差唔多五十萬元架嘛
無可能白白浪費
所以老公睇住幾千元份上
放我一條生路自已留係香港
不過我都應承會狂掃貨比他
有點擔心
因為其實咁大個女都未試過自已出門去玩
因為怕怕的關係
捉了姨姨陪我
因為她同我性格相似
可以頂得住我的辛苦旅行團
現在離出發時間還有3個半月
我同呀姨甲了3月12號起程3月18反
決定大阪入東京出
定好日子就一定係買機票
現在11月中

我們分別換咗同買咗cx國泰航空的來回機票
CX566 香港-關西
CX505 成田-香港

跟住就book酒店
行程決定
大阪住2晚
東京住4晚
分別book咗難波東橫inn同新宿東橫inn

跟住就買旅遊書今次上網睇見人話正文社好就買下
但寫寫下行程發現都係閃令令的長空好
因為發現如果新手教坐車真係點都係長空容易明的
哩本長空之前買落唔算太新
不過都還可接受
同埋東京始終07年去過所以都還可以
我超級發溫已經一早唱哂的日元
呀姨就醒都無跟住我唱
我現在蝕到爆
無陰工我唱9,現在就快7都黎
我想撞牆死咗算數

因為頭兩天係大阪活動

決定用關西通行証

何謂KANSAI THRU PASS

KANSAI THRU PASS是一種乘車卡，用這張卡，能夠自由乘坐關西一帶的地鐵、私鐵及公車。該卡還能用於大阪、神戶、京都以至奈良、和歌山、高野山的觀光旅遊。

"KANSAI THRU PASS"乘車卡分為2日用和3日用兩種，可根據遊程購入，使用KANSAI THRU PASS使您的旅遊經濟實惠、更添樂趣。

有效期閒内也可不連續使用（例如3日卡可以在週一，三，五，三天使用）

※所謂1日的計算方式並非是24小時、而是以乘坐當天首班車至末班車收班為止的1日。

KANSAI THRU PASS的特點如下

有效期閒内也可不連續使用（例如3日卡可以在週一，三，五，三天使用）

在一定期間內，可自由乘坐開往京都、大阪、神戶、比叡山、姬路，和歌山、奈良、高野山的電車和公車。（JR除外、請在地圖上確認可以乘坐的電車及公車）
可以省去在乘坐電車和公車時，查看複雜的票價表和買票時間，也無須在每次換乘時重新買票。
可以享受沿線的350處主要觀光設施的優惠折扣。
到達關西國際機場後，可以乘坐從關西機場站始發的南海電車。（特快rapi:t電車須另加費用）
贈送英語、漢語、韓語、其中任一語言的導遊手冊。
http://www.surutto.com/tickets/kansai_thru_hantaiji.html

所以再3選擇就上日航天地買
係實票來的
可以節省係當地雞同鴨講的時間
我查過專業同日航
原本係專業訂貪夠多分店
點知2天pass無啦啦要4000
我頂他們
所以返日航買http://www.jalselect.com.hk/

不過要用當天匯率計算
咁我當天買的時間車票就用咗
HK$320一張啦

我終於好辛苦咁係HSBC到拎哂的日元
拎死我啦因為我附近都無櫃台的HSBC
每次都要特登駕車去拎
苦過弟弟
而上網方面想了又想好多方案
問了又問前前後後各大討論區各大賣家都問哂
諗了又諗決定
係HK租B-MOBILE
最平的U300-$30元一日
希望最後用到啦

MK Love Story

宣傳你的專頁

今次主要去掃貨的原因
所以預備2大1小旅行箱

一早老公車我們去到機場
我們9點就去到lu
因為未劃位想早小小點知都是無補於是
夜媽媽唔洗問就入去
The Travelers' Lounge環亞機場貴賓候機室
休息下食下野
去返我去開近gate1的果間
超正今晚都係gate1上機

可以慢慢坐到的人排哂隊上機先行去都未遲

成個大雪櫃

每次黎到一定食返碗魚蛋河

果汁同coffee果的我無興趣
只係狂飲冰櫃的汽水
足足飲了幾罐
好彩飲飽食醉
因為之後落黎的飛機餐我一點興趣都沒有呢

食了2盤沙律

再夜小小因為無了魚蛋河
就會有杯面提供
of cox再食
因為捱夜真的好食得下

小妹無上網劃位
但已經早了4小時到機場

但都係得十幾個位選唉

不過就係我fb打卡的指定動作

讓朋友見到
原來她係cx做
跟住幫我留了剛剛人地放返出來前小小的窗口位
真的出門遇貴人
所以大家唔好懶一定要上網劃定位
跟住由71變了60啦
wakakaka

跟住到各人指定動作
影登機位

我們上機啦
勿念7天後返
機上黑媽媽

坐cx的好處係有得睇好多好多電視

派飛機餐la
e好難食
食都無食我就決定訓覺lu
zzzzzzzzzz

日本時間早上06:00我們係天空上預備降落
開始有點小量陽光

係06:10
正式安全降落

06:14到正式落機
一落機就feel到係凍好多

跟住要坐一班列車去檢查大樓

沿途跟住大隊行

排隊等過關好多人呢
的蛇餅打了幾圈
因為姨姨去了洗手間後其他機都殺到啦
如果無去正常果班機係唔洗排好長隊的
排隊期間用係香港租返黎的上網卡同各人報平安
hk果邊先係5點幾
不過其實初初擔心好慢同用唔到
因為我租30元1天果隻
3星note1用
好多人都說note1用唔到
剛到時都用唔到

跟住關一次機再開返後就用到啦
但我出名慢小小都發脾氣的人

其實只係當whatsapp用真的可以接受

沒有其他人說得咁慢

我試過sent相比朋友都即時sent到
不過如果load地圖就可免則免
因為我load了幾分鐘都load唔到
不過當初選30元的都只為了玩whatsapp

所以對我來說足夠可以了

正式過埋關
現在時間06:47

行李已經係運輸帶到轉下轉下啦

沿途跟住的大指示牌行幾分鐘

就到坐車的地方

買了KANSAI THRU PASS
就一定係坐南海電鐵啦

拿拿聲用魔女卡入閘

一落到月台有急行列車
爭取時間唔理3721跳上車先
魔女卡坐急行都是free的
如果坐特急需要補錢的

總站上車所以有位坐架

乖乖地打橫平放客李箱如果唔係
係個車箱到look來look去

07:50終於到難波站

一出閘睇錯哂指示牌
結果搵了20min先搵到酒店

終於離遠就見到東橫inn個logo啦

首先即刻開返張會員卡先
可以即時收會員房價同下次再訂房可以半年前訂
原本沒有會員價錢2晚酒店價錢

DAY1(3/12)JPY¥8480円(含稅)大阪東橫inn
DAY2(3/13)JPY¥8480円(含稅)大阪東橫inn

合共
JPY¥16960円(含稅)

現在即場申請會員價

DAY1(3/12)JPY¥8056円(含稅)大阪東橫inn
DAY2(3/13)JPY¥7756円(含稅)大阪東橫inn

(哩天用了不撿房服務可另減300
申請會員正一張JPY¥1500円現在合共JPY¥17312円

姐係比多小小錢就拿張會員卡之後

果幾天東京酒店都可以賺反來啦

整好哂check in 的手續
就擺低行李係大堂比職員看管啦

現在08:30由酒店出發向第1站梅田出發啦
經過一間飯團店姨姨肚餓買咗一個食
不過她話麻麻地
所以咬咗兩啖就掉進垃圾筒lu

沿途就係比下面兩個牌搆到亂哂
哩個的係指坐車的方向

而哩個係指用腳行去上述地方的方向

跟住搵啱路
就用魔女卡坐御堂筋線去梅田又係free的

幾驚辛苦09:00終於到達梅田
今日係梅田5個鍾
一個字的貨品唔算太新款
價錢不吸引

全日最多收穫係哩座
yodobashi

有麵包超人套裝同玩具

還有朋友托買的NB波鞋一對

係地下商場的哩間藥店順手開咗張積分卡
不過有咩用又唔知wor

口喝順手買樽野飲

落去三番街諗住去kiddyland

結果失望加失望
同一樣的貨品
比我係yodobashi見到的價錢
都可以貴幾百至幾千日元
點買得落手
黑店多無法可能旅遊書有介紹
所以大家去入貨真的格下價先

雖然哩的筆其他店睇不到
不過其他野都貴人咁多所以我先唔會買
影下相算啦

係其中的麵包店見到好可愛不過無買黎食

跟住係lucua商場見到哩間就食碗麵
碗麵就係今天lunch啦

味道還可以不過日本餐廳只有啤酒賣
又唔可以自備飲品
唯有飲冰水
好想飲可樂呢

個麵不過不失
的肉就沒有特別

2:00pm食咗lunch買了小許收穫
就準備由梅田起程去松屋町
今次用魔女卡就坐長堀鶴見綠地線
去松屋町

02:30就到啦

哩道係賣的特式的野
例如人型公仔

食玩王國

哩間UHA館就令人失望
又無野買

下面係松屋町的收穫
就係因為收穫太多

所以要將行程改為提早返酒店擺低行李先

哩3包老板買完野請我食

好彩有魔女卡坐車唔洗比錢
跟住拎到死下死下
上面果堆野好重

放低哂行李拿拿聲再出動
現在已經05:30啦
現在去邊呢向南船場的evisu進發

如果知道大板哩間係的咁的質數
一定飛咗不去
其實我係fans
上次去日本東京同韓國都有大量入貨
哩間無碼無款不特止
因為現場在做半價
但你認真睇下牌仔
全部原價都被加大幾千元
變相沒有減價
最好笑不特止係改價錢
男裝32碼我問了10款都沒有的
跟住諗住買made in japan的衫啦
點知足足貴他們現場made in china一倍
同發現他們全部收係櫃
一係明騙人買china貨
一係就收係比熟客
咁的銷售手法就係買唔落手

跟住就原路行去心齋橋&道頓崛

今天全天shopping到尾聲啦
黑媽媽準備開餐
下面就係今天係

梅田,心齋橋,道頓崛的各大藥店收穫

哩到係全天最豪的收穫
件件價值不菲
係南船場行去心齋橋方向原路會經過的

我2件

JPY¥23500円(含稅)

買了2件比老公

JPY¥42000円(含稅)

跟住係心齋橋間tommy再入手
有對crossover的tommy vs timberland的鞋
2樣為JPY¥28000円(含稅)

再來心齋橋的sanrio gallery
都係我出血的地方

今晚到此為止啦
因為行到今晚的大餐啦蟹道樂

選咗2份5800的
再額外加了兩杯梅酒

隻蟹用來放筷子架

等待食係最痛苦的

梅酒好甜好好味
不過飲了一口全身的累氣飄哂出來

頭盤到啦
一個字好味

哩個爐燒的好鮮味

哩個直情係我成晚最愛的
好像有的芝士一大堆蟹糕
跟住用蟹肉點來食
wow食完雖然流流地
但如果再比多份我一定都會食得落
簡直係好味到現在諗返起都流哂口水

就係用哩幾隻長長的蟹肉來點上面的汁

哩個應該係成晚認為最差的
湯唔似湯
蟹無味

哩個壽司不過不失

甜品我不嬲都不喜好所以無食
不評論

好啦食飽飽
埋完單就準備行反酒店
現在09:30的鋪頭已經關哂lu
相比東京大板真的比較早關門

沿路由蟹道樂慢慢行返酒店
好啦今天完

今天我1人的行程總結:

魔女卡:機場-難波-梅田-松屋町-難波-心齋橋

(全部free,1day pass完)

全天購物消費

現金JPY¥165,520円(含稅)
刷卡JPY¥7780円(含稅)(用銀聯)

今天收穫都叫好好
帶去的錢都沒有了差不多4份2
但只係第1天
我真係好變態
但好像姨姨都唔差不過

因為全程aa制所以她買了幾多野

同用了幾多錢就不能同大家分享了

day 1完

MK Love Story

宣傳你的專頁

大家早晨現在係日本時間07:30
今日咁早去邊
第1站去奈良餵鹿仔
首先由酒店一行出黎的左手邊直行

跟住留意右手邊的班馬線
跟住就會見到分叉的感情線啦不過唔洗擔心
向前同向斜行都係可以去到車站
不過視乎你想去邊
向前就去南海電鐵就比較近同快

原路一直行

相撲手??
對無錯因為附近有間相撲手館
好像係比賽的

跟住會見到m記本身諗住今朝早餐
但都係未肚餓因為好眼訓
都係繼續行

前面就係尋日出來的地方啦即南海電鐵站
姐係如果坐南海電鐵住我們哩間酒店的路線
會係上面路線的反方向
就係向前見到m記
沿住m記一直直行到要過大馬路
大約行成條女人街的路程
你再望下對面應該會見到酒店架
大家努力難波哩間酒店位置可以接受
叫做慢慢行10分鐘一定到

不過今日唔係坐南海
係坐近鉄所以還要行一段路
點解要坐近鉄
因為魔女卡係free架嘛

跟住還要過埋0101

還要一直行

還未到架

再向前行

好啦終於望見家鄉
大家如果要用魔女卡去奈良或京都
就一定要黎哩個近鉄站啦

到站坐完近鉄唔知點解發現
近鉄可能比較易坐的車一種
因為好易就睇得明可以立刻識上車
所有指示牌都好清晰

睇下要去奈良就坐1.2
超易明

不過提提大家都是最多坐急行列車
特急的要補錢架
準備坐08:06的快速急行去奈良
lucky^^
因為大家睇到哩班車之後係咩速度架啦
準急同普通囉

車到啦準備上車

話咁快08:49就到啦
好彩班車快
之後回程坐果的超慢的時間立刻多出好多

因為重點睇鹿所以選1,2號出口

車站有隻大怪獸其實本人認為哩隻野都幾肉酸下

跟住一出去就首先搵早餐食
一出就會見到一堆指示牌
無記錯向右行跟住就會見到一條街
條街係賣手信的地方現在咁早未開哂門
轉頭走先行
咁街頭就有間西餐廳
好啦坐低開餐食早早先啦

食飽飽跟住就沿路繼續行
再會經過一間旅遊書有介紹的壽司

跟住就開始進入花花草草區域
沿途會見到一個類似車行的通道閘口
會有管理員站崗
不過未到住還要向前行
哩道的鹿仔比較乖
同佢地影幾張相先
轉頭我會記得反來餵你們架
因為哩道還沒有見到有人賣餅

真的唔開心
剛到步景比我遇到工作人員抱走一隻死了的
應該剛死或就快死
因為他們檢查一輪後就抬走他lu
rip

好啦再向前行
見到第一檔鹿餅賣
我買了4份
姨姨買了2份

哩幾隻係哩到蒲的
頭上邊有角架
不過比人切了
小心呀他們完全不怕人架
好彩切了
事緣呢我原本一心諗住都想見到他們有角的樣
不過係買完餅之後發生的事情
就立刻想好彩他們無角咋
否則我小命不保
事緣佢地一見到我們買完就立刻衝過來
因為哩的餅用的紙綁住
要解開的因為不想餵的紙比他們吃嘛
解都要時間
有隻來咬我件外套
有隻用個頭頂姨姨petpet wor
姨姨立刻被嚇親了
其實他咬住我件外套時我都怕怕架
好啦係咁易解開小小比了幾塊他們就行
結果他們死跟住
不過跟到過了自已地盤就停下了
跟住我快速將的餅放入背囊收埋先

跟住再向前行
無理佢地啦
向興福寺前進

入邊真係大淨係停車的位置都大過人

入鄉徐俗
首先跟人入錢先
所以大家要預備的零錢
不過老實一道地方有咁多要入錢的
其實都幾和味

跟住打一下

跟住又排隊打一下鍾
完成
不過我不知做咩因為我沒有信仰的

跟住無啦啦有緣地見到大師無啦啦上了台係到諗經文wor
總之我許下願可能會靈架wor

跟住例牌行去買的手信啦

我買了一塊木牌
同一個符

跟住就用的印仔印的字上去

好啦的人通常掛係道
但我就拿返hk留念的

用神聖的水洗手
of cox當地人用來飲一口

話咁快就參觀完
無再行入去
因為老實再行3日3夜都不知行不行得完
所以反轉頭餵埋的餅就走了
因為呀姨被嚇親之後將他果2份都比埋我餵
慢慢沿路行返出去
哩道都仲有一檔餅賣
但係哩到都有一群
不過我得一個人

所以都不要去搆他們否則又被圍就不好了

hehe再走出小小有隻bb呀
好明顯他係bb樣
bb真係好乖的吃多的啦

跟住都有的大年紀的
不過都有欄欄住
我放心餵
他們都比較乖

有的人不怕會走入去同他們玩

好行返去個管理員果道餵果班我認為乖乖的
不過他們都真係比較乖
係我旁邊都只會等食
不會來搶

跟住行去今早未開的果條街行啦

哩間明明叫親愛幼稚園
反來睇返書先知原來係日本基督教
真係估佢唔到wor

跟住見到咁靚的生果點可以唔買
都係買咗盒平的400咋

不過日本的已經好好味
永遠食唔到酸味
多汁好甜

跟住再去漬物店

買了2樣反黎
食了白色果包一個字又爽又夠味正
黃色還未食因為不知點食佢住

係幾間店合共買咗哩堆

今天奈良餵鹿體驗完起程向京都進發
去反一早落車的近鉄站坐車去京都
都係超易明一睇就睇到
都係超lucky
又有急行坐
我們坐11:14果班急行發京都方向列車

12:05就到京都站

跟住的指示牌去搵巴士坐

上到路面就周圍搵巴士

找到啦條龍都好長下

有魔女卡所以唔洗買巴士一日卷
就係去清水寺條隊旁邊就有得賣啦

有206啦上車啦上車啦
因為唔想等下班哂時間唯有罰企
好迫想迫死小妹呢

係5條阪落車

正常遊客係道落車的都係

跟住大隊行就無死
就會經過一間賣哩的玻璃的鋪頭

其實哩的髮叉我都好仲意

不過算吧我係唔識用
所以唔洗買了

入手幾件小玩意都唔平架

跟住行上的又會見到分叉路

http://www.okamoto-kimono.com/tw/map/index.html

因為我去崗本和服的清水坂店
所以行左邊上

跟住姨姨買咗2串黎食
我初初以為係魚蛋
點知係類似湯丸的
有的燒汁都幾好味架

大家去岡本真係要向你左手邊打醒12分精神
因為舖面太細
經過咗都唔知道
因為確實經過咗再行返轉頭
來回都發生過
哈哈所以如果唔熟路真係發雞盲都似
現在到達岡本時間為12:30
都仲有好多人黎租衫
不過of cox好多美美的都比人挑選了
我上網book了最貴的plan5250+500set
所以就可以選門口直望哩堆
好多款架
不過平的果的就入內選
眼見得2架或1架掛裝車
咁要求高的可以考慮比多小小錢

比我找到件色彩鮮明的
wakaka
小妹廿幾年人仔都未正式着過
為咗今天期待很久
之前結婚時都想着
老公話呀水識幫你換的咁的衫
結果就打消念頭
跟住今天着咗先知

真係似比人打包一樣
好彩當時打消了

否則都真係唔知邊個識着的咁的衫

前前後後選咗n樣野

終於上樓換衫

入房
房入邊大約有3人
應該每次4人到同時換衫
哩堆係下面選的
還有好多好多架
換衫需要除淨bra &underwear
大家要有心理準備
換衫係唔可以影相的
所以我影自已隻腳

換完衫set完頭啦

出黎影返張相

就向清水寺進發

崗本出黎跟住沿住未行的向上行

果然不出預期會被人捉住影相的
因為網上搜尋返來

說換完和服有機會比游客捉住影相
他們影的同時我都叫他們影埋我們部機
到時無啦啦上鏡自已都有証據嘛

唔識花其實是否粉紅色就係櫻花
如果係姐係今天都有緣見到

e頭先捉住我影相的鬼佬wor

入清水寺要買飛架

不過張飛無收的可以留念
入到去原來望出去可以望到好遠架
望返山腳下
原來行下行下行到咁高

跟住又見到一堆人群
手信店

結果選了哩個比嫲嫲
點解不選長壽
無健康要長壽仲咩呢
所以哩個比較好的

跟住比我見到一大班日本人wor
頭先比人捉得多
今次到我捉返他們當地人

影反張相先夠公平
勁比我捉到有男有女的

慢慢再沿路行

跟住大隊行下行下又去到地主神社

好多好多細細間的

好多學生來哩道參拜

餓死人
行完地主神社落反黎見到有幾間食店
衝呀食碗麵
因為沿途都沒有餐廳之類架
難得見到拿拿聲醫肚
就選咗哩間咩滝之家

係坐攤攤米架

不過我咁喜歡粗魯點可以坐得咁辛苦
of cox洞起隻腳坐啦

食物方面比較少
一眼睇哂
不過實在太肚餓

肚餓一定要食個烏冬

係哩間餐廳有張咁正的地圖
應該係巴士站派啦撞鬼

食飽飽又跟大隊行返落山
陰工天色開始準備下雨
要加快腳步

終於行返落黎見到的鋪頭
已經落大雨
所以決定換衫先再行之後的行程
因為落大雨的時侯太麻煩

換完衫就一定係各大手信店到掃貨
小妹又掃了一大堆

今天和服體驗正式完滿結束
美中不足就係落雨
同部即影即有的相出來效果唔係太清楚
不過電話影果的尚可接受
用whatsapp發比老公大人他都讚美美
已經同老公說357年後一定要同我影一輯和服篇
wakakak
老公聽到後暈得一陣陣
我的意思係再補影一輯日本的婚紗相

包括要有正式的和服
所以他即時嚇到^^老公錫哂你
日本和服357年後我們再續前緣

沿路落山

姨姨好像對哩的情有獨鍾
又幫親第2間

沿住巴士路線行
行下行下唔對路又落大雨
有魔女卡點解唔坐巴士
gogogogo
決定坐巴士去下一站
八坂神社祈園同花見小路

雨一直都落唔停點搆
坐咗1個站
因為原本都行咗5分鐘的路
沿路由八坂神社果邊落車行過黎
都會經過好多舖頭
有書介紹的面油紙
但唔識欣賞好快閃人
跟住先去花見小路諗住睇藝妓
雨咁大有鬼咩

跟住是旦選咗間諗住食懷石料理
其實都唔知咩叫懷石料理
不過唔理啦
橫點哩的細細碟的都未食過
哩間係花見小路入邊見到比較價錢平的
所以就決定殺入去啦

門口價錢大大隻有
2800餐不過可能未連稅最後實收2940
都叫平前面果的全部成萬元都有得你食
仲要唔知食咩

姨姨今次就選咗有圖片的3500
實收又係3675
其實食完之後完全唔知哩的是咩餐
不過老實食一次好啦
價錢唔平
順水食氣氛,設計,我唔太喜歡囉
因為食唔飽又不是款款小食都仲意

哩款餐單有翻譯架

哩份係我的2800餐
有塊牌的下面係碗飯
發溫無拎開影相

蒸蛋係我的

好啦到姨姨的3500餐

有碟多舊魚
個盤咁大放條魚係旁邊

就係為咗大家要睇佢中間用粉畫的畫
oh my god

大家都有的湯
好特別呀咁樣飲湯
個湯味道都唔差

食飽飽又起程
行返出路口景發現目標準備過馬路
唉可能他們不喜歡上鏡
賴有寶
剛好下雨用把傘遮鬼住
有無搆錯呢

其實現在只係56點到
因為落雨的關係唔知以為現在係夜晚囉
下雨加漆黑一片的八坂神社
唉再加埋用手機影的相質數

明顯其實唔知在影咩
失禮哂

係咁易入去行過round就出返黎

門口等巴士打到回府
因為雨下唔停又黑媽媽燈光不夠下
真的無興趣再行落去啦
又迫一輪巴士
唉同係hk迫地鐵無咩分別囉可憐
終於到返今日下午的京都站
沿住指示牌行去近鉄站
因為唔好行錯哩道都有jr站架
但可以用魔女卡所以一定坐近鉄

搵到啦

哩道有點復習小小
都問咗職員一段時間
因為只見所有車去的不知名地方
原來要坐奈良方向返轉頭
係奈良之前的大和西大寺站
再轉另一班車先可以去到難波
所以因為咁我亂了
因為諗住有車直去難波
無諗住又要坐返轉頭
哩2程車有排坐lu
所以頭先決定走係明智的決定
首先坐7:31向大和西大寺,奈良方向發

到大和西大寺
跟住再轉線

好開心wor見到準急車><
唉天呀今天頭一回坐不到急行
現在準備坐08:17
向難波進發

現在時間無多無小09:00
足足坐了個半鍾
不過現在時間係大阪只有食晚飯可行了
仲要係拉麵好啦
因為大部份都處於關門狀態

好啦睇書介紹道頓崛哩間四天王好食

e,現在好流行咁樣自助落單買麵wor

哩個麵我認為無介紹錯
湯底正
肉入口即容
不過得個一塊又唔識溝通
連我哩個平時都唔食肉的人來說真的好美味
好想加單呀
現在想起都流口水
大家不防試試

跟住食完行返出來見哩間未關門入去睇睇先
不過無咩收穫

不過邊道見到哩的機一定係我跌錢的時侯
因為一直儲緊不同的金幣

of cox3個都有啦

今天尾聲lu
返酒店撿拾細軟lu
點解咁講
因為明天落東京lu

今天我1人的行程總結:
魔女卡:難波-奈良-京都-京都巴士-難波(全部free,1day pass完)
全天購物消費
現金JPY¥31172(含稅)
刷卡JPY¥5750(含稅)(用銀聯)

day2完

起身CHECK OUT
向購物天堂東京進發

幾多行李
不過錯哂其實係我多姐
呀姨還是保持一個橙色行李箱

其他3個是我的

現在07:54
買飛向新大阪進發因為坐
JR東海道.山陽新幹線☆NOZOMI子彈火車

所以要去新大阪坐

話咁快就到新大阪

出閘己經見到好大塊指示牌
跟住行

係左手邊就會有一間有人手操作的售票處
張飛咁貴買錯未死
所以放棄選擇自助售票機

買完之後就搵車坐
哩個價錢咩車都可以坐
不過要好留意一點
哩張飛坐最快黃色的NOZOMI
只可以坐第1至3卡
所以要早點去坐定定
唔係無位FULL了只可以等下班

因為時間早月台人數不是太多
NOZOMI的班次都仲有好多
所以慢慢影完相先上去坐都有位

今次終於比我發現月台有便當賣
買返過上車食先

好啦今次選了
08:56開的nozomi 314
因為太多行李所以一人坐一邊
wakakaka
小熊向東京進發
環境幾好呀
舒服過坐飛機

上車就拿拿聲開餐
凍冰冰好難食
邊個同我說便當好好味架
咁的質數總之買包食好過啦

話咁快到新橫浜站
咁要預備落車
下站就到品川
研究過品川轉車最順路的

係11:23分就到品川
跟住沿住指示牌轉車坐去新宿
大家出閘記住留意有車票退返架
因為應該由品川去新宿哩程唔使錢
但其間發生小插曲就係我有退
姨姨無退不過最終去到新宿我們兩個都是無比錢
因為我們說一個有一個無的人就叫我們照出閘
所以包了去新宿的我認為

頭先坐車抬了咁多轉樓梯
現在找返個出口有lift答先

成功用lift上到地面
向新宿東橫inn進發

行到未呀睇地圖好像都還可接受
跟住望到07年住的Vintage Shinjuku穎迪詩
還要遠多小小呀
同埋初初諗住係歌舞伎町條路入
點知應該望住歌舞伎町個大牌方向
右手邊行多70米到再直行多50米就差唔多
轉入橫街
老實咁說我喜歡VINTAGE的位置多的
最小一直直行嘛

放低行李係大堂後
就向新宿西車站進發
去車站仲咩
因為東京哩4天的行程

PLAN了去其中4個OUTLET
就分4天去每天去1個
所以第一天先去坐巴士的哩個
御殿場GOTEMBA PREMIUM OUTLET
上網搜集了哩個時間都有巴士去到
仲PRINT埋一的優惠卷
但最終因為計數白癡的關係所以無用到
例如VISA卡香港銀行要收2-3%手續費
但係OUTLET用VISA購物係有5-10%優惠
但我當時點計都是白癡
最終發生無用VISA簽卡同無用到優惠卷
所以大家去哩道可以考慮用VISA
因為返來問老公其實我點計用VISA都有SO
跟住我想撞牆算啦
點解我的數口咁差架
加減數都有問題
見到售票的案內所

就選擇了坐小田急箱根高速巴士
ODAKYU HAKONE HIGHWAY BUS

來回車票每位2900
但有點要注意因為直到
御殿場OUTLET的車原來只有朝頭早果班
所以呢哩的時間全部都係到御殿場站
係站果道仲要等免費穿梭巴士
走的時候都係要係果道坐穿梭巴士
去返御殿場果站上車
車程雖短但等穿梭巴士時間不定
所以計算時間記住預埋穿梭巴士的時間

結果選咗即刻有的車
13:30
回程就選了19:55
跟住仲有15分鐘時間
沿住案內所右手邊行1分鐘有間牛肉便利店
問他10分鐘整唔整得切他說得
就買了2個牛肉飯上車食

不知是否太肚餓定咩
個牛肉飯好味道唔知點樣影容
的芝士香到
下次係HK買個吉野家牛肉飯
加的芝士上去唔知得唔得呢
真的超好味囉

巴士站上車的位置
就係直接係案內所出面
上車

沿途都好眼訓
不過有人說會經過富士山
因為不知究竟富士山係點
所以狂影山的物體
其實有無影到富士山

到今天為止都唔知道WOR

今天氣溫比前2天凍了好多
今天得4度
相信哩道咁空鄺應該再低小小
坐了大約1小時到的車
就係哩個站到落車
哩到有一間可以入去坐的等車間
因為還要係到等穿梭巴士
係不定時20分鐘一班

終於等到架穿梭巴士
上車的日本人多
香港人得我們2個

大約5分鐘車程就到御殿場OUTLET門口
UM哩道環境都幾好
最好就順住行會好的
唔係都有機會盪失路架

首先決定由最遠果邊行返出來
所以會經過條橋向另一邊
會見到有個好大好大的摩天輪
準備掃貨
唉因為計數白癡的關係
加上現金只得返好小好擔心之後去
原宿銀座主力掃場唔夠子彈
所以係哩道都好忍手
不過如果我識計點條數刷了VISA
唉今天的收穫應該係20袋都有
因為我只選有銀聯刷的地方買
好傷心呀

是日收穫
銀包比CASH因為真係幾仲意
不過返到來HK專櫃
發現原來哩的差唔多款銀包都係2200到
可能我買貴了TIM
不過是鬼蛋仲意未得

超愛哩個夠平10000有找

NIKE波鞋抵到5999同6999咋
香港哩的款通常公價貨品
都不要說係哩的色啦

老公有件衛衣
我乘機買件裇衫
不過其實我無穿過裇衫唔知買來仲咩

哩兩件夠平所以比CASH都可以的

話咁快就行完
但係現在先18:00點算呢
唔理啦先上穿梭巴士
去到車站初初有車唔比上
跟住轉頭的人上哂車又比我們上車
結果成功提早坐了18:15果班

返新宿的小田急巴士
返到新宿已經好夜天都黑

跟住就行去買轉腳叉頭630一個囉
因為原本帶去果個壞了
本身大阪有得比按金借
但新宿哩間無囉
所以局買
唉結果逃不出此命運
其實07年果次我係新宿都係因為咁買了一個
當時記得太肉赤
結果今次都係
下次我一定係HK買夠2個去
我頂夠食一碗麵
HK鴨記幾元之嘛
大家記住帶多過去好過
買完就決定食碗麵就返去放低行李
因為今天實在太凍